十年的團契生活

話說花燈番團契都有十年啦！

十年來，有幸得到弟兄姊妹的厚愛，能同大家建立深厚的情誼（友誼二字不足以代表弟兄姊妹的相愛！），所以很開心星期六見到弟兄姊妹！

十年來，都盡力番團契，以前做野忙，就算星期六要O.T.，都會提早返工，好似其他同事下午12:00才番工，我都寧願第一個返工：早上8時返到公司，下午2時就趕返屯門，返教會。

而家雖然早放工，但係都好忙，好多時晚上要工作或返學，到星期六其實都好倦，但都堅持返。
咁講，唔係代表自己好勁，好屬靈，其實我都有問為甚麼咁堅持，難道自己不想去玩嗎？不想休息嗎？不想Shopping嗎？不想趁星期六做功課嗎？不想約朋友見面嗎？

我想，如果純粹係因為責任，好難維持落去吧.....

我深信，雖然上述事項十分重要（去玩也是一件重要的事），但沒有一樣野是比神重要，比神的家還重要，因為神說：「除了我以外，你不可有別的神。」「別的神」就是要提醒我要將神放在第一位。因此，我覺得沒有野比返神的家重要，沒有野比見神的子民重要。

何況，和一起成長的弟兄姊妹一齊敬拜、分享，是一件上好的福份：我地一齊喊過、一齊開心過，呢d點滴，根本不可以忘記，或者冷卻，試問，有幾多人可以好似自己咁幸福，可以毫無顧忌咁同朋友/家人分享！好似 我依家情況，如果無左弟兄姊妹支持，好難行落去，但感恩神擺左好多好的基督徒係我身邊，令我不會有孤單的感覺！因此，我好享受返團契，一來可以知道弟兄姊妹近況，二來對自己都係屬靈加油站，所以每逢團契，我都會儘力早d返，期望可以和不同組的弟兄姊妹打招呼！

但不知從何時起，大聚會不再是大聚會，三組只有十二、三個返左黎，仲要係到四點多才返得十二、三個。我不是因為人數多少而灰心，因為小組不再乎人數多少，但我更關心的是屬靈質素。
是不是因為生命有些問題，才不番？究竟我可以點做呢？

當然，這也可能是內容問題。我十分同意，因應時代，形式也要作出一些調整，但核心的內容是不能缺少，如查經、祈禱等。我們有些位是不能跟世界妥協吧！

雖然，我問自己可以做d口羊，但其實自己都好有限？好似而家面對緊的事情，有時令我都好難敬拜中投入，有時都不想返教會，有時又好多問題問神，但我深信神是愛我的，為我捨己；憑著這點，我才能繼續返團契和教會。我深信神是最大的，我不能奪去神的時間表去做自己野。試問不返教會，我又可以做多幾多野，不過是浪擲光陰吧！

其實寫呢篇野，都要付出d勇氣，但我覺得有d野是必須要講的！