Superman returns

超人是最家傳戶曉的英雄人物，我於初中時代已在國際台看了所有的超人電影。

所以一上映便急不及待地去看。

新的超人同舊的不同了。起碼超人現在不能再於電話亭中換衫，因為手提電話太普遍，令電話亭數目銳減！如果他仍然堅持要在電話亭中換衣服，應該不能夠救人做英雄了！

仲有，新的電影時間超長，2個半小時！

仲有，新的電影最可觀是特技lu！

仲有，睇完成套後你會覺得女主角才是壞旦！

不過，此片不及SPIDERMAN及BATMAN，我覺得。

讀書大計

由於將進神學院，入讀後，我相信要睇好多屬靈書籍和釋經書，所以趁這段時間，重拾以前的嗜好—刨長篇小說。

在圖書館一氣借了多部小說，全都是十多年前看過，但已忘記內容，現在好想再重溫的，包括：
《衛斯理系列》、《家春秋》、《橘子紅了》等。現在再看，很難明白為甚麼自己初中時會愛看倪匡的衛斯理系列，因為文筆粗糙，重要係每五頁一小結，毎十頁一大結，好似呃稿費咁，都唔明點解成為有名的作家（可以跳過十多頁都不脫節）。至於巴金激流三部曲，真係一流，十年前睇，到而家再睇，都係好好睇，無論文筆以致人物刻劃，都表現大師功架！其實民國作家的小說好好睇，好似沈從文、魯迅，以致近年的古華（《芙蓉鎮》一流）等，但左派作家就唔得啦，千篇一律，都係講資本主義的朽壞，主人翁如何出於污泥而不染，成為無產階級等，悶到嘔（我記得讀u時要寫茅盾的《子夜》報告時，睇到幾乎口吐白沬）。

另外張愛玲呢，以前都鍾意睇，但而家就覺得意識恐怖，在其作品中，差不多人性嚴重扭曲，好似《第一爐灰》（即儂本多情原著），我看完就覺得好驚，男主角可以任由自己老婆做交際花，開心地做拖鞋王！仲有《半生緣》中家姐出賣細妹，借細妹肚為自己老公生仔（設局讓自己老公強姦自己細妹，仲要囚禁自己細妹待其生產後才釋放），三、四十年代寫得出呢d野，真係意識大膽！另外，《金鎖記》、《銀女》全部主角都仿如患了精神病！

下一步呢，就要睇埋Sidney Sheldon的作品，仲有重看Jean Austin的作品等！

好充實的暑假！

唉！世界杯再見啦

昨晚看了百多分鐘的球賽，看到施丹被趕出塲，心知大勢已去.........
其實，法國這隊老人隊一直踢得不俗，反而意大利下半段不是踢得很好，令我一度充滿信心，可惜還是重覆了94年的惡夢：巴治奧射失十二碼（想當年我以為意大利會奪冠），昨晚查斯古特又射失.....

看了二十多年世界杯，除了90年那屆捧的西德（因為奇連士文）及98年的法國，能取冠軍外，無隊有好的下場。唉！

心情麻麻，欲哭無淚！