消閒

最近不用上課的日子，不是在追趕新約、預備短宣，就是做一些消閒活動。

功課和短宣的預備，不用多說；要談的是消閒活動—

1. 做gym，每天都做一個至個半小時，感覺好爽、好開心！
2. 睇漫畫：睇一些好看的漫畫。不過切忌玩物喪志，因為仲有好多正經事要辦！

想談談近幾年愛看的漫畫（不會談足球小將、touch、H2等）
1. 棋魂：真係好好睇，仲好唔甘心，因為見唔到光仔和小亮的對決。

2. 狐忍：呢套漫畫是租書鋪的老闆介紹，追了幾年，不過因為讀書的關係，所以停了成年無追，去完短宣後會再租，追番之前六、七期。呢套漫畫係十分精彩，好好笑。麥強逢星期六晚都會追無記的動畫版，但我希望有精神返崇拜，所以無追，再加上知道晒D情節，所以無咁好睇。

3. 鋼之鍊金術師：又係停左成年，都要追番，好有深度的漫畫！

4. 死亡筆記：本來不太喜歡太DARK的故事，但是太好評如潮，所以忍唔住都睇左，真係好好的漫畫（不過都係想作者畫棋魂續篇多D）！


其實有人問過我點解鍾意埋D男性化漫畫，都唔知點解，可能我天生都不愛情情塔塔，頂唔順D少女漫畫！

短宣後要追漫畫，又要睇Harry Potter的最後一卷（七月二十一日出），忙lu！

棋魂.-.[I.WILL.BE.THE.ONE].MV

棋魂是講述一個小孩如何對圍棋發生興趣，進而努力奮發，並成為職業棋士……

這是我等了三年多的漫畫，因為完結得太突然，所以我一直以為作者會繼續畫下去，點知作者走去畫死亡筆記，好不容易等死亡筆記完結，誰知佢又畫死亡筆記前編！

雖然死亡筆記好睇，但都唔好忽略我地呢班棋魂粉絲！我昨日看到一些報導話作者不打算畫棋魂續篇，就算畫也只是以短篇形式（有傳言話佢地對於圍棋的棋局已經到了黔驢技窮）！

真係令人失望，我還想繼續看進藤光、塔矢亮在棋壇中發放光芒！

現送上濱崎步所唱的主題曲。

失控

最近的功課，全都在文字失控下完成。

上星期交的宣教士體驗報告，明明要寫三千至四千五百字，但我卻寫了差不多六千字！

今天交的神學文章，約一千八百字，我就寫了三千多字，差不多是一倍！

唉，又收唔到手，又可能會被扣數分，節制真是一個學問！