新髮型

星期三下午，由於想鬆一鬆，不想回家後即做功課，於是跑去整頭髮，因為日久失修，大半年沒有去剪，麥強有一天問我：「參孫，你幾時去找非利士人剪頭髮？」

因此，放學後去了salon啦。
今次這個頭，是新嘗試，我從未試過長頭髮之下留蔭（這是出於麥強的意思，無辦法，經濟大權在他手，我惟有仰人鼻息）。剪後，覺得十分不慣，情況一如一個西瓜波（圓頭圓臉）插在一個薯仔（身）上。

嗚呼！哀哉！

同學都好厚道，個個話好睇，但附帶了一句，都幾得意！一把年紀啦，仲得意！