入學通知書

前幾日，收到了入學通知書，8月25日要參加新生註冊，當天要繳付三個月的學費及全年雜費。

此外，還需要揀選科目，由於我有三科豁免，包括門訓、普通話和音樂，如果不選修其他科目，就過於悠閒了。

如我不選修其他科目，我的上課時間表（9月至12月）如下：
星期一：不用上課
星期二：全日至3:50分（中國民間宗教、佈道學、早會）
星期三：早上上課（靈命塑造、神學治學法）
星期四：早上上課（聖經概讀、早會）
星期五：只上一節課堂（11:15-12:30—神學治學法）

好似日日都好hea咁，所以我可能選修星期三下午的聖經文學。
至於語文科，即希臘文及希伯來文，就會在year 2 才可修讀（原本想早d讀）。

而家諗：邊個做我班主任呢？區生或黃姑娘呢？
邊個做我靈命塑造老師呢？黃姑娘或鍾牧師呢？
（註：靈命塑造要分組，五至六位同學跟一位導師2年）
我另外有2個朋友也入左，唔知會唔會同我同班呢？

由於負責的同事極口密，雖然同佢好friend，但都打探不到tim！