明天，就是我的last day，但竟然要做appraisal（唔係exit interview）
我忙到顛，點會仲浪費時間搞d咁既野！但個位新任的行政主任，一意孤行要我做，我當然反抗，對話如下：
主任：花燈，麻煩你填好appraisal form，交俾我。
花燈：係咪有d奇怪呢，我聽日都要走啦，唔係要做exit interview咩？同埋可以appraise D咩呢？
主任：其實應該要七月內完成，我地遲左。
花燈（心想）其實係六月內完成，花燈合約係六月尾完，但今年你地行政部立立亂，無理由要我bear這個責任。
於是花燈沒有理主任便走開。
可能大家會奇怪為甚麼我咁串，係因為這位行政主任超唔掂，她的行徑如我以前的女上司一樣（仲要差d），成日好似好多野做，但掂親瓣瓣都一鑊粥，弄得民怨四起，士氣低落，加上又成日發惡（我親耳聽過佢大聲鬧同工：「我係你老闆」），總之就麻煩。
後來，下午時她又打電話給我，要我填appraisal form，她說如果我唔填，她就幫我填，到時唔公平做唔好。而且她又說我唔能夠唔做appraisal，唔可以俾我破例，又說放心啦，佢地唔會難為我！
我真係覺得好煩，同埋明白點解佢做野唔掂，佢為了堅持要我做appraisal，搞左成日，咁小事都勞師動眾，仲要說話內容有威嚇性，又好似師奶街市買菜，唉！
我唔想做的原因是因為真係好忙，無時間同你填十版紙的form，再加上appraisal的意思是曕前顧後，你就算同我做，我根本無機會係呢個崗位上再作貢獻同改善！我心想你而家先同我做appraisal，更加唔0岩行政手續！
唉，我都要為佢祈禱，仲有排對！
Subscribe to:
Post Comments (Atom)
2 comments:
我都經歷過「突然間要好公道，唔可以只對我破例」的事件。
都只能說一句：算啦！
看過妳所有的分享，最欣賞這篇。想不到看似嬌小的妳這樣串，真是大快人心。我以前就是做這個頭頭的位，有時真是令下屬好僧我，可是從沒有人肯敢這樣對抗我！陽奉陰違，結果背脊滿是箭孔，很欣賞你的敢作敢言，不過，做神學生了，未來的牧羊人，要聽話呀，火氣要收一下，否則無好結果，我一把年紀，今能與你做同學，就是過去的氣焰太高，至有今日的下場，總之．．．．小心為妙！
Post a Comment