也談世界杯

波真係圓ga，正當我早上5:00好眼瞓等睇十二碼時，竟然在加時完場前1分鐘內，意大利連入2球，仲要入得好靚（在此得罪德國粉絲，因為意大利踢得好過德國，我仲以為90分鐘內意大利會搞掂tim！）。如果射12碼，應該德國會獲勝！

其實我都有唔開心ga，因為我鍾意的阿根廷及荷蘭竟然出局。阿根廷輸係因為教練，如果唔係應該會打低德國（到而家我都唔明點解出戴維斯，而唔出美斯，仲要好早就收晒d攻擊球員）！荷蘭我都有少少預左，因為整體合作並不理想。不過好彩法國打到d爭氣波，希望法國今晚再下一城啦，因為我真係麻麻地費高（始終都覺得施丹好過佢好多）。

鍾意阿根廷係因為佢地球員腳法好，合作性、小組都踢得好！
鍾意荷蘭係始於三劍俠，情意結！
鍾意法國則是近幾年，因為施丹和享利！


我唔鍾意的球隊是英格蘭，因為英格蘭次次都話好勁，但次次都無料到，兼且d波好悶，下下大棍上去，博個前鋒跑得快個對手d後衛，又或者靠碧咸七旋斬，戰術單調，所以我次次都唔捧佢（死啦，又得罪英格蘭粉絲）。不過有d個別球員都好有質素，我以前都好鍾意舒利亞。但朗尼d品真係唔得啦.......

希望決賽唔好係意大利對葡萄牙，咁樣冠軍賽會好悶！