感謝神的分享

昨日早上，晚間課程的老闆知道我打算明年修讀神學，於是捉我傾明年的安排。

暑假我們會搞文化之旅到山西太原至內蒙古，但我身份尷尬，所以不能以同工身份去，換言之，要自費，但他知我想去，所以他說會幫我諗辦法，並提議我做到7月尾。感謝神，可以有機會在讀書前去旅行，同埋好少旅行社去山西，但山西有好多遺蹟，如笑傲江湖中的懸空寺（在懸崖上起的寺廟）及聞名的雲岡石窟，和此地乃信史以前堯帝時期的帝都、中華民族的發祥地。其實未知是否能成行，但已開始了預備的工作。

另外，他又關心我選擇神學院的問題。由於他是建道出身，並且是某間宣道會教會的堂主任，所以他極力勸我入建道，又說如果黎牧師推薦，就一定入到。其實我本身好鍾意建道課程，但係好山長水遠。

點知到下午時，就有曙光。

因為我下午同reception姐姐食飯，原來佢亦打算明年讀建道，從她口中知道已婚人仕十分有彈性，可以走讀，如果太辛苦，可以一個星期瞓一晚。另外，可容許有些科在灣仔的教育中心上課，不用去長洲咁遠。令我開始再問神是不是建道呢?

講開呢位同工，開頭我都唔鍾意佢，成日同阿強講佢壞話。數個月前的一個晚上，阿強突然同我講他今日有領受，就是要我對呢位同工好d，我打左個突，點解神會用隔山打牛式的提醒。雖然唔知點解，但因為太深刻了，所以我都立即遵守，並封咀唔再話她。直到昨日下午的lunch，我才明白為甚麼神會咁做。