組長的提醒

前晚上門訓的內容是小組組長的須知，內容包括組長具備的條件和承擔的角色。同學均一致認為做組長要有成熟的靈命、謙卑、與主建立親厚的關係、以身作則和要有使命感。而最大的引誘是過於高舉自己（因為所有組員都會傾向聽組長話）。

講開謙卑，之前在大學帶組時都以為組員成長關自己事，因為我係大學帶個組，6個女仔有5個決志做傳道人，有同學跟我說：「花燈，你點解栽培到D組員咁進深！」個陣時都有飄飄然架！但係之後好快就發覺真係唔關我事，係神的功榮！所以我成日都提醒自己，我只是神所使用的小媒體而已，組員有多少願意返教會係出於神，我只是盡力而為罷！

老實說做組長8年來，有好多風雨，好多時都想唔做，因為做組長實在太辛苦，同埋自已性格不太適合做組長，所以神透過這個事奉崗位磨我磨得好厲害！同時亦感謝神，因為這個事奉是祂帶著我走的，如果沒有祂，根本無可能走到今時今日！

而且做組長不可期望一、兩年有果效，我都係做最近才覺得摸到D門路，因為人的工作是自己控制不到的。因此奉勸剛踏上這個崗位的實習組長，不要輕言放棄，可能過程好辛苦，但係最後得益的都是自己！